Gidemolis di mobalhin sa relocation site

CEBU, Philippines — Hingpit na nga gipangguba sa demolition team ang 38 ka balay sa Sitio Sapa-Sapa, Ibabao-Estancia, Dakbayan sa Mandaue.

Ang gidemolis nga pamilya nalakip sa beneficiaries sa gitagana nga 6.5 ektaryang luna nga relocation site sa Barangay Paknaan.

Daw nagpanagana ang maong mga pamilya sa pagbalhin sa luna tungod sa pipila ka kakulian sama sa wala nahuman nga pag-riprap ug road concreting sa mga dalan.

Si Tony Pet Juanico, pangulo sa Housing and Urban Development Office sa siyudad, niingon nga gitahasan ang Department of Public Works and Highways sa paghatag og kasegurohan nga luwas sa mga pagbaha ang mga molupyo sa relocation site.

Matud ni Juanico nga gihatagan na og pagtagad ang ilang panginahanglan sama sa water connection ug mga sugang dagitab. (BANAT NEWS)