Banat ( Leaderboard Top ), pagematch: 1, sectionmatch: 1

Ramirez na-hospital, way special treatment

CEBU, Philippines — Giklaro sa abogado ni kanhi Medellin mayor, karon Konsehal Ricardo Ramirez, nga walay special treatment sa pag-hospital arrest sa iyang kliyente.

Matud ni Atty. Inocencio dela Cerna nga bisan susihon pa ang records sa Bureau of Jail Management and Penology labot sa maong pasangil.

Si Police Regional Office-7 Director, Chief Supt. Jose Mario Espino, unang nibutyag nga duna silay nadawat nga reports nga dunay special treatment sa pagpa-hospital arrest kang Ramirez. Hinoon sumala pa niya nga anaa na kini sa BJMP sanglit humana ang ilang trabaho sa pagdakop sa maong opisyal.

Nadakpan si Ramirez niadtong Hulyo sa mga sakop sa Provincial Intelligence Branch pinasikad sa search warrant diin nakuhaan siya og daghang armas. Dihang nasulod na sa bilanggoan, giingong nireklamo kini nga duna siyay gipamati sa iyang dughan ug matud pa nga nanghupong ang mga tiil niini hinungdan nga gipadala sa taga BJMP sa tambalanan.

Matud pa sa abogado niini nga nakagawas na sa tambalanan ang opisyal ug gibalik na sa iyang selda. (BANAT NEWS)

  • Follow Us: