Banat ( Leaderboard Top ), pagematch: 1, sectionmatch: 1

Davide, hunta kasohan kun ibaligya ang Balili property

CEBU, Philippines — Pasakaan og kaso si Gob. Hilario Davide III kun ugaling dayonon sa probinsya sa Sugbo ang pagbaligya sa kontrobersyal nga Balili property ngadto sa lokal nga kagamhanan sa Dakbayan sa Naga.

Mao kini ang bahad sa nangangkong anti-graft crusader nga si Cris Saavedra batok sa mga opisyal sa Kapitolyo.

Si Saavedra mao ang whistleblower  nga nakaingon sa pagkabisto sa kontrobersiya sa napalit nga Balili property nga aduna diay bahin niini ang naglubog sa tubig ug dili gyud unta kinahanglang paliton sa lalawigan nga adtong panahona ubos pa sa pagdumala ni kanhi gobernador  ug karon kongresista Gwendolyn Garcia.

 “Underwater property cannot be commercialized,” matud ni Saavedra.

Ang maong luna gipalit sa Kapitolyo og P98 Milyones hinungdan sa mga kasong gipasaka batok sa kanhi administrasyong Garcia. Tungod usab sa maong kaso, wala mapahimusli sa lalawigan ang maong luna.

Si Davide nagkanayon nga walay gamit sa Kapitolyo ang maong luna hinungdan nga wala siyay problema kun ibaligya kini didto sa Naga.

Apan si Saavedra nanghagit sa gobernador sa pag-ingon “Go on governor, make my day," bahad pa niya.

Apan si Davide wala na mopatol sa hagit ni Saavedra sanglit matod niya nga kapila na usab siya niini gikiha. “Let him file a case,” matud sa gobernador. (BANAT NEWS)

  • Follow Us: