Gangs sa mga minors migara sa siyudad
CEBU, Philippines — Naghatag karon og suliran sa kagamhanan sa siyudad sa Sugbo kining mga pagsiaw sa mga gangs nga sagad sa mga miyembro mga menor de edad nga naghimo og mga kagubot.
Base na sa listahan ni Konsehal Dave Tumulak, Chairman sa Committee on Public Order and Safety moabot sa 15 ka mga gangs ang gimonitor nila karon nga gilangkuban sa Husher Brotherhood, Keira, CRG, Kalmados, Famyang, Stargang, Branston, Yotay, Braagangs, Trydorfam, Brotherhood, BRP S.T.Y, Sweet Maker, Chilax, Barkadas.
Matud pa ang maong mga gangs nagsige og pangimbitar og menor de edad aron mahimong miyembro sa ilang grupo ug giingong ang labing bata nga ilang ma-recruit nag-edad og 8 anyos.
Nalambigit ang maong grupo og inom-inom, pangawat, mangguba og tubig machines ug mag-vandal ug giingong dunay mga miyembro nila suguon manguha sa malls.
Gusto karon ni Tumulak nga mahunong kini hinungdan nga nakig-alayon kini sa mga prinsipal sa mga tunghaan, pag-ila sa mga miyembro, pagpatawag sa mga ginikanan.
Ang mga barangay nga hingtungdan giawhag nga nuntan ang mga batan-on ingon man mga ginikanan aron dili mosulod sa maong mga gangs.
Daghang reklamo nga nadawat ang Konsehal kalabot sa maong mga gangs nga sagad makit-an sa dalan N. Bacalso Avenue, Sabellano, Rizal Avenue Extension ug utlanan sa Barangay Pasil ug Suba ug giingong ang ilang mga lider hingkod na ang panuigon.
Karong adlawa makigtagbo si Tumulak sa kapulisan aron matuki ang kun unsay buhaton sa maong problema. (BANAT NEWS)
- Latest
