Pagkuha og guwardiya sa mga korte i-localized

CEBU, Philippines - Nangita na karon ang Korte Suprema og security agency nga mobantay sa mga korte diha sa Quimonda Building nga karon gibantayan na lang sa mga guwardiya sa kapitolyo human nga napupos na ang kontrata sa mga security provider sa Supreme Court ngadto sa mga lower courts.

Matud ni Chief Justice Maria Lourdes Sereno nga niadtong mga miaging semana mihatag og pagtugot  sa lower courts aron makapatuman sila og pamaagi sa procurement alang sa panginahanglan sa mga korte. “So we are trying to explore all avenues. Some contracts we extended but some was failure ang bidding,” matud ni Sereno.

Duha ka semana ang milabay ang kapitolyo na ang nag-request og security personnel gikan sa security provider niini aron nga i-deploy sa Quimonda tungod kay wala nay guwardiya ang mga korte subay sa pahibalo ni Executive Judge Gilbert Moises ngadto sa kapitolyo. 

Misugyot sa gobernador nga mas maayo nga i-authorized na lang sa SC ang mga judges o huwes nga maoy mosulod og kontrata alang sa pagkuha og security provider aron dili na kinahanglan pa moagi sa Korte Suprema.

Si Sereno nagkanayon nga nagkauyon na ang SC ug ang Department of Budget and Management ug ang Kongreso nga mohatag og dakong pundo alang sa maintenance and other operating expenditures o sa MOOE component niini nga matod pa apil sa maong pundo ipadumala ngadto sa mga huwes.  Niadtong miaging semana gipahibalo sa chief justice nga ila nang naaprubahan ang guidelines alang sa maong pag-download sa MOOE sa mga lower court judges.

Gitataw ni Sereno nga alang hinoon kini sa mga office supplies, apan pag- abot sa mga janitorial ug security services angay pa kini tun-an sa korte suprema. (BANAT NEWS)