Silingan nagkalalis, managkapuyo gipamusil
CEBU, Philippines - Grabeng naangol ang managpuyo nga gipusil sa gikalalis nilang silingan sa National Highway, Looc, Dakbayan sa Danao alas 8 pasado sa niaging gabii.
Si Police Officer 1 Mark Anthony Manulat sa Danao City Police Station niila sa nadakpan nga si Carlito Monte, 50, ug kapuyo niini nga si Ann Bohos, 41, pulos nagpuyo sa maong dapit.
Ang gikalalis nga silingan mao si Romeo Daben, hingkod ang panuigon, kinsa nisibat human sa pagpamusil.
Dugang ni Manulat nga wala pa nila matino ang hinungdan sa panaglalis.
Base sa nahipos nilang kasayuran nga taliwala sa mainiton nilang panaglalis, ang suspek dali nga nikuha og armas nga wala matino ang kalibre ug gipamusil ang mga biktima.
Si Manulat niingon nga si Carlito ang nakabaton og samad pinusilan sa iyang kilid sa lawas samtang naigo usab sa iyang bukton ang kapuyo niini.
Dali nga gidala ang duha ka biktima sa tambalanan. - /GMR) (BANAT NEWS)
- Latest
