Lumad nakahugaw sa Fuente rotunda
CEBU, Philippines - Nakahugaw sa Fuente Osmeña Rotunda ang pagpuyo sa mga Lumad nga nipahigayon og Lakbayan 2017 tungod sa mga hayhayan sa ilang mga sapot.
Matud ni Konsehal Dave Tumulak, chairman sa committee on public order and safety sa konseho sa siyudad, nga una nilang gitanyag ang sports complex sa Barangay Sawang Calero apan nibalibad ang grupo.
Sumala pa ni Tumulak nga maoy gusto sa grupo nga anha sila sa abli nga lugar ug gipilian ang Fuente Osmeña Rotunda ug Plaza Independencia.
Ang kagamhanan sa siyudad nihatag og mga gamit ingon portable toilet aron limpyo ang dapit nga ilang punduhan.
Si Mayor Tomas Osmeña nitugot nga anha sa Fuente Osmeña Rotunda magpundo ang mga Lumad sanglit ang grupo dunay mga yangungo ug pila ka adlaw man lang sab sila magpundo sa dapit maong hatagan lang og higayon. - /GMR) (BANAT NEWS)
- Latest
