11 positibo sa drug test
CEBU, Philippines - Nagpositibo sa drugas ang 11 ka empleyado sa Cebu City Hall sa dihang gipaubos sila sa surprise drug test sa City Office for Substance Abuse Prevention (COSAP) karong semahana.
Matud ni COSAP chief Garry Lao nga gimandoan siya ni Mayor Tomas Osmeña nga taktakon kining mga empleyado nga napositibo bisan og wala pay confirmatory test.
Unom sa onse ka empleyado ang gikan sa Prevention, Restoration, Order, Beautification and Enhancement (Probe) team niadtong Agosto 22.
Samtang ang lima ang gikan sa City Market’s Office sa siyudad nga nagpositibo niadtong Agosto 17.
Gikan sa Hunyo 1 hangtod sa Agosto 22, aduna nay 27 ka mga empleyado ang nagpositibo sa ilegal nga drugas.
Adunay prosesong agian alang sa mga regular nga mga kawani sa gobiyerno nga masakpan apan kadtong dili otomatikong paphaon sa trabaho. - /EIM) (BANAT NEWS)
- Latest
