Rico’s nauwahi na sa TRO
CEBU, Philippines - Uwahi na ang legal nga lakang nga gihimo ni Enrico Dionson, pangulo sa Rico's Lechon, sa pagkuha og Temporary Restraining Order sa korte.
Kini sumala pa ni City Legal Officer, Atty. Joseph Bernaldez, tungod kay wala nay pugngan human ang duha ka kan-anan niini ug iyang commissary napasirad-an na sa kagamhanan sa siyudad.
Nangayo sab si Dionson og intervention sa korte alang sa issuance sa business permit apan gitumbok ni Bernaldez ang desisyon sa Supreme Court sa Abraham Rimando vs Naguilian Testing Center case niadtong Hulyo 23, 2012 diin naglatid nga discretionary sa mayor ang pag-issue og business permit ug dili ministerial in nature. Pasabot niini nga ang mayor dunay katungod kun mo-isyu o dili og business permit nga wala magsunod sa kalagdaan paglukat og business permit.
Si Dionson nangayo og legal intervention sa korte human sa pamahayag ni Cebu City Mayor Tomas Osmeña nga dili motugot ang siyudad nga makaabli sila og balik bisan pa man og nituman sila sa gipangayong rekisitos.
Ang duha ka branches sa Rico’s Lechon sa Barangay Kamputhaw ug Kasambagan ug ang ilang commissary sa Talamban gipasirad-an human matud pa nag-operate nga wala’y business permit. (BANAT NEWS)
- Latest