Banat ( Leaderboard Top ), pagematch: 1, sectionmatch: 1

Duha ka bata nangaligo nalumos

CEBU, Philippines - Magsuong babaye ang nalumos samtang nangaligo sa dagat sa Guanzon Beach Resort sa Langtad, Dakbayan sa Naga niadtong Lunes.

Ang mga namatay mao sila si Juicyphel Obal, 16, ug si Juyce Obal, 13, taga Basak-San Nicolas, Siyudad sa Sugbo.

Sa imbestigasyon sa kapolisan nasuta nga kuyog sa ilang amahan ang mga namatay aron sa pagtambong sa birthday party sa amo niini nga operator sa iyang gimanehong jeep.

Si Jufil Quilano niingon nga pasado alas 3 sa hapon naanod ang iyang mga anak sa dagkong bawod padulong sa lawom nga bahin.

Ang iyang mga anak ang pulos dili makamao molangoy hinungdan nga nagkisi-kisi na kini.

Daling gitabang ni Jufil ang iyang mga anak apan si Juicyphel lang ang iyang nakuha ug nadala sa South General Hospital apan nakabsan ra gihapon kini sa iyang kinabuhi.

Gihimo ang search and rescue operation apan nagabhian na lang sila wala gyud nakit-i ang minor de edad.

Kagahapon sa buntag nakit-an ang patay’ng lawas nga naglutaw na sa kadagatan duol sa pantalan sa Petronas nga adunay gibana-bana nga gilay-on nga 500 metros gikan sa beach resort nga ilang gikaligoan.

Si Konsehal Carmelino Cruz nitug-an nga mohimo siya og rekomendasyon ngadto ni Mayor Kristine Vannessa Chiong nga ipasira ang maong beach resort tungod kay ilang nasuta nga wala kini gibutang nga lifeguard. (BANAT NEWS)

  • Follow Us: