CSBT usa ka adlaw way kuryente
CEBU, Philippines - Nabalik na ang kuryente sa Cebu South Bus Terminal human sa usa ka adlaw nga brownout niadtong Domingo tungod sa transformer nga gitaud.
“Kato siya schedule gyud to siya sa VECO nga nag-install og bag-ong transformer sa ekina tungod sa City Mall nga construction, nya 7 in the morning to alas 4 sa hapon, ang giingon sa kontraktor nga gi-commission sa VECO, sa 3 ka transformer nga ilang gi-install ang usa pa gyud nga transformer nga para sa terminal mao pa gyud ang dautan,” matud ni Joey Herrera, ang manager sa CSBT.
Tungod sa brownout, niangkon si Herrera nga adunay gamay nga kakulian sulod sa terminal.
“Ang nahitabo man gud gabie (Domingo sa gabie) nakita gyud nato nga nahasol gyud ang mga pasahero, kami sa management na-concern gyud mi sa security kay kangitngit dali ra gyud to masudlan og kawatan or unsa ba,” sigun ni Herrera.
Hinoon walay untoward incidents nga nahitabo sa terminal.
Matud ni Herrera nga gipaspasan ang pagtaud sa bag-ong transformer kagahapon sa kadlawon ug nabalik ang kuryente sa terminal alas 3:20 sa kadlawon kagahapon.
Gibutyag ni Herrera nga adunay duha ka 120 KVA nga generator sets nga giandam ang terminal kung masubli ang brownout apan depektuso na ang maong mga gen sets. (BANAT NEWS)
- Latest