Traffic enforcer nagsibilyan
CEBU, Philippines - Nisaka ang kilay sa pipila ka motorista nga nakakita sa usa ka lalaking nagsibilyan duol sa traffic enforcer post nga nangsita og tawong nagmotorsiklo niadtong Biyernes sa buntag.
Ang pagpangsita nakuhaan og hulagway dayon gi-post sa Facebook.
Ang lugar sa panghitabo mao ang eskina Rabaya subay sa South Road Properties (SRP) sa habig sa Barangay Cansojong, Dakbayan sa Talisay.
Ang mga enforcers sa City of Talisay-Traffic Operation Development Authority (CT-TODA) aduna’y unipormeng color green.
Apan sa hulagway nga nakuha nagsibilyan lang ang lalaking nangsita sa nagmotorsiklo.
Panawagan sa mga netizens nga unta mag-uniporme gyud ang mga traffic enforcers aron dili sila magduda kun nagpakaaron-ingnon lang.
Gisuwayan sa pagkuha og komentaryo ang pangulo sa CT-TODA nga si Almond dela Peña apan wala kini nitubag hangtud sa pagsuwat niining balita. - /GMR) (BANAT NEWS)
- Latest
