Tax payers sa Lapu-Lapu gipasidunggan
CEBU, Philippines - Gipasidunggan ni Mayor Paz Radaza ang mga magpapatigayon nga matinud-an sa pagbayad sa tinuig nilang buhis ngadto sa kagamhanan pinaagi sa pagdapit kanila sa gipasiugdahan nga tax payers night nga gipahigayon sa Hoopsdome sa miaging gabii.
Si Radaza sa iyang mensahe mipasalamat kanila ug mipasabot kanila nga kini ang pamaagi sa siyudad aron sila ilhon sa ilang pagsuporta sa siyudad pinaagi sa pagbayad niini og hustong buhis.
“We want to recognize and honor all of you who are the prime movers of our beloved city. For without you, our city will not be of what is today. Your contributions have come a long way,” batbat pa ni Radaza.
Matud niya ang pagbayad og buhis kaakohan sa mga magbubuhis ug gikan kanila ang kalamboan karong panahona sa dakbayan.
“As we pay you tribute for faithfully paying your taxes to the city, tonight, we will also award few Oponganons who, in their own ways, brought honor and prestige to Lapu-Lapu City,” dugang pa ni Radaza.
Ang gipasabot ni Radaza mao ang mga batan-ong mga Oponganons nga naapil sa bag-ohay lang natapos nga mga licensure ug board examinations.
“We will recognize them for bringing us pride,” dugang pa ni Radaza. - /IBM) (BANAT NEWS)
- Latest
