Rico’s Lechon midangop sa korte
CEBU, Philippines - Nidangop na sa korte ang tag-iya sa Rico’s Lechon nga si Enrico Dionson aron pagkuha og Temporary Restraining Order (TRO) nunot na sa pagpasira usab sa Kagamhanan sa Siyudad sa Sugbo sa ilang commissary sa Hi-way 77, Barangay Talamban ning siyudad kagahapon sa buntag.
Gi-serve kagahapon ang closure order sa commissary kay matud pa nag-operate bisan og wala pay approved final business permit maong gikonsiderar ang ilang operasyon nga ilegal kay nakalapas kini sa City Tax Ordinance.
Ang manager sa planta nga si Rel Deloria nga wala moatubang sa mga tigbalita maoy nidawat sa closure order.
Sa pagpasira sa commissary si Dionson miingon nga ipaagi nila og legal ang tanan kay wala silay nadawat nga kaluoy gikan sa mayor.
Nasayran nga sa pag-serve sa closure order nag-inspeksyon ang City Health Department ug Department of Veterinary, Medicine and Fisheries. Niadtong buwan sa Mayo lang sila nagparehistro bisan usa ka tuig na silang nag-operate maong nibayad sila og multa. Ang Department of Manpower Development and Placement (DMDP) nisusi sa mga trabahante nga apektado sa pagpasira sa Rico’s Lechon. Samtang giklaro ni Osmeña nga ang iyang daughter-in-law nga si Bea Villegas, asawa sa iyang anak nga si Miguel maoy nagsige og follow up sa business permit sa kan-anan sa Barangay Kasambagan ug makita kini matod pa sa mga text messages nga gipadala.
Wala gihapon matandog ang baruganan sa mayor nga dili gihapon maka-operate ang Rico’s Lechon kini bisan og maka-comply kini sa tanang requirements. Ang mayor walay plano usab makigtagbo o kaha makig-istorya kang Enrico Dionson.
“No, I don’t want to see his face, because I’ll kick him, you know I hate traitors, that’s my experience excuse me but I hate traitors,”asoy pa sa mayor. (BANAT NEWS)
- Latest