Pagsuspenso sa mayor di epektibo batok drugas

CEBU, Philippines - Wala ray problema si Cebu City Mayor Tomas Osmeña sa pamahayag ni Presidente Rodrigo Duterte nga suspensuhon ang mga mayor nga dili makasulbad sa problema sa drugas sa ilang hurisdiksiyon.

Apan giangkon sa mayor nga ang lakang nga buhaton ni Presidente Duterte dili epektibong pamaagi aron masulbad ang problema sa drugas dungan sa pagbutyag nga daghan og angay ikonsiderar nga factor.

“Monitoring of pending cases, why so many on bail? No transparency in inventories of confiscated drugs, useless Napolcom 7. Corruption in our jails, unwillingness of tanods to act conniving police at precinct level, conniving barangay officials like Rupinta. Lack of alternatives for out of school youth, not enough dog sniffers, almost useless drug rehab programs, no effective program to block the main source of drugs, mainland China. Freddie Aguilar should write a ballad about this drug situation. People will cry,” sigon ni Mayor Osmeña.

Samtang si Talisay City Mayor Eduardo Gullas miingon nga bisan siya mahimong masuspenso tungod sa problema sa ilegal nga drugas sa Talisay.

Apan siya masaligon sa kapulisan pinanguluhan ni Supt. Emerson Dante nga milihok gyud. Gani ang Talisay City gipasidunggan sa Cebu Provincial Police Office (CPPO) kay sila ang   nag-una sa kinadaghanan og nadakpan sa kampanya batok ilegal nga drugas. (BANAT NEWS)