Federalism seminar karon

CEBU, Philippines - Ipahigayon sa Dakbayan sa Sugbo ug Mandaue ang seminar kabahin sa federalism karong Agosto 17 hangtud 19.

Kini ang gibutyag ni Presidential Adviser on Legislative Affairs, Secretary Adelino Sitoy.

Matud ni Sitoy nga sa petsa 17 ipahigayon sa Cebu Provincial Capitol diin gipaabot nga motambong ang mga mayor, bise mayor ug uban pa diin adunay mga   mamumulong gikan sa kaulohan.

Sa petsa 18 ug 19 anha kini ipahigayon sa Dakbayan sa Mandaue, diin lain na sab nga mamumulong gikan sa kaulohan ang mohatag og dugang pagpasabot ngadto sa mga opisyal sa kabarangayan.

Sumala pa ni Sitoy nga walay schedule nga motambong si Presidente Rodrigo Duterte sa maong kalihukan. (BANAT NEWS)