Reklamo wa tagda ni Luigi
CEBU, Philippines - Gitinguha sa pipila ka sakop sa Greenhill Homeowners Association, Inc. sa Casuntingan, Dakbayan sa Mandaue nga kahatagan gyud og pagtagad nga mahingpit ang pagpakgang sa drilling sa deep well nga giugmad sa ilang mga opisyal.
Kini ang nakaaghat kanila sa pagdangop sa buhatan ni Presidente Rodrigo Duterte.
Si Raul Lumapas, kanhi konsehal sa Dakbayan sa Mandaue ug sakop sa kahugpongan, niingon nga si Mayor Luigi Quisumbing nakaluwat na og crease and decease order (CDO).
Apan giingong wala panumbalinga nga nakapatumaw sa kabalaka sa mga molupyo tungod kay nagpadayon man ang pagtrabaho sa mga adlaw nga Domingo o holiday.
Dugang ni Lumapas nga makadaghan na sila mosuway sa pagpadangat niini sa buhatan sa mayor apan pakyas sila sa mao nilang tinguha.
“We would have wanted our concern and problem to be resolved in the local level but, regrettably, our letters to Mayor Quisumbing seeking for an audience have fallen on deaf ears that we had no other recourse but to write to and request help from your office,” nagkanayon ang suwat ngadto sa Presidente.
Gipasabot ni Lumapas nga kusganon nilang gisupak ang kaugmaran sa deep well tungod kay gawas nga daghan kini og nasupak sa balaud wala na sab kini nila kinahanglana kay ang una nilang deep well nga ilang gipahimuslan sulod sa dugay na nga panahon wala man kini nakasinati og problema sa pag-supply og tubig ngadto sa mga molupyo. (BANAT NEWS)
- Latest