Pagsuspenso sa Uber wa mauyoni sa mayor
CEBU, Philippines - Wala makauyon si Cebu City Mayor Tomas Osmeña sa gipagawas nga desisyon sa Land Transportation Franchising and Regulatory Board (LTFRB) nga pagsuspenso sa operasyon sa Uber kay matud pa ang maong transport network company naghatag og maayong serbisyo sa mga sumasakay.
Si Osmeña miingon nga walay balidong rason aron suspensuhon sa LTFRB ang operasyon sa UBER.
“I don’t know the reasons why but UBER is doing a very good service so is GRAB. It’s much more sophisticated than the taxi operations and LTFRB itself,” sigon pa ni Osmeña.
Gani interesado kini sa proposal sa UBER nga ‘Uber-Government’ diin ang mga empleyado ug opisyales mopahimulos sa ilang serbisyo gamit ang city-owned vehicles. Niumol sa maong ideya ang mayor tungod kay buot niya ang service vehicles sa mga empleyado ug officials magamit gyud.
Wala hinuoy plano ang mayor nga mo-apelar o kaha magpadala og suwat sa LTFRB.
Kahinumduman nga gisuspenso sa LTFRB ang operation sa UBER human matud pa misupak sila sa order niadtong Hulyo 26 nga mohunong una sa pagpanawat og applications o accreditation sa Transport Network Vehicle Services.
Tungod niini, ang UBER transport system gisuspenso sulod sa usa ka buwan ug ang LTFRB mimando sa UBER paghatag og financial assistance sa mga apektadong driver.
(BANAT NEWS)
- Latest
