Cebu city mangutang sa DBP
CEBU, Philippines - Mangutang ang kagamhanan sa Siyudad sa Sugbo og kwarta sa Development Bank of the Philippines.
Nakab-ot ni Cebu City Mayor Tomas Osmeña ang maong plano aron pagtubag sa reklamo sa mga kontraktors tungod sa kalangay sa pagpagawas sa kwarta.
Gani usa sa mga rason nganong dili moapil og public bidding ang mga kontraktor tungod sa kadugay madawat sa bayad.
Sa inisyal nga pagpakighinabi ni Osmeña sa presidente sa DBP, giingong interesado kini sa plano.
Ang maong lakang ni Osmeña subay na sa iyang gibutyag kaniadto nga moumol og team aron makaagni og daghang bidders.
Si Rene Cenapo maoy gitudlo sa mayor nga mangulo niini ug gitun-an na nila kon unsaon nga masugdan na ang maong plano.
Gani matud sa mayor nga gihangyo niya ang mga higala niini sa kaulohan kon unsa ang mga epektibong pamaagi aron makaengganyo og daghang bidders. (BANAT NEWS)
- Latest
