Curfew ipatuman pagbalik sa Dakbayan
CEBU, Philippines - Mopatuman pagbalik sa curfew ang pito ka barangay sa Dakbayan sa Sugbo nunot sa giingong paggamit sa mga bata sa pagpamaligya og drugas.
Si Barangay Kapitan Ariel Yburan, sa Sawang Calero, nibutyag nga ilang nasabutan sa G6 kon Ground Security Group nga mopatuman pagbalik sa curfew.
Ang G6 gilangkuban sa San Nicolas Proper, Suba, Pasil, Sawang Calero, Pahina San Nicolas, Calamba ug Duljo Fatima nga managkasikbit ra.
Matud ni Yburan nga makigtagbo sila sa Department of Social Welfare and Development tungod kay kini ang mokuha sa profile sa ma-rescue nga kabataan.
Ang curfew magsugod sa alas 10 sa gabii hangtud sa alas 4:30 sa kadlawon diin lakip sa sitahon ang maghukas-hukas sa sapot ug mag-inom-inom sa kadalanan. (BANAT NEWS)
- Latest