Osmeña nanghagit og debate kang Dino
CEBU, Philippines - Gipasabot ni Cebu City Mayor Tomas Osmeña ang paghagit niya og debate kang Presidential Assistant for the Visayas Michael Dino kalabot sa Bus Rapid Transit (BRT) project iyang buhaton alang sa mga Sugbuanon ug dili sa personal niyang rason.
Sigon ni Osmeña kon dili mosanong si Dino sa maong hagit nagpasabot lang kini nga pildi ang nahisgutan ug gitulon ra niini ang mga gipanulti batok sa BRT project.
“It’s for the sake for the Cebuanos that I’m willing to debate him but to me personally he’s a waste of time. You can do no good for Cebu. He just liked to destroy. If he wants to debate fine it will help the Cebuanos understand,” sigon sa mayor.
Dihang gipangutana ang Mayor kon asa na karon ang BRT Project kini miingon nga magpadayon kini.
Tambag ni Osmeña kang Dino nga tutokan nga matinuod kining Light Rail Transit (LRT) nga maoy gusto niining ipatuman sa Sugbo inay dauton ang BRT. Matud sa mayor kon mahimo, mas maayong ang duha maoy ipatuman.
“Second Mactan Bridge (Marcelo Fernan Bridge), from the time the funding was approve, to the completion of the bridge took about six years. Approve na ang funding so the time the bridge was open 6- years. So LRT is more complicated, so before he can get even approval that would take several years, so to be generous about it before we get the LRT it will take another 9 years if he can get it,” asoy sa Mayor.
Niadtong miaging semana giaprubahan sa National Economic and Development Authority-Investment Coordination Committee (ICC) Cabinet Committee ang budget increase alang sa Cebu Bus Rapid Transit land acquisition.
Dugang P5.69 billion kini aron paliton ang mga luna nga maigo sa Cebu BRT Project ug gipaabot nga iduso kini sa NEDA board alang na sa approval. (BANAT NEWS)
- Latest
