Banat ( Leaderboard Top ), pagematch: 1, sectionmatch: 1

Kabatan-onan ipaubos sa tourism summit sa probinsiya

CEBU, Philippines - Ang Provincial Tourism Office nagtinguha sa pagpahigayon og tourism summit alang sa mga batan-on aron sila mamahimong aktibo sa sustainable tourism sa Sugbo.

Ang maong tourism summit tawagon kini nga “Cebu Youth 4 Tourism Summit” ug ang tema niini mao ang “Wired and Free” ug gikatakdang ipahigayon karong Agosto 21 niining tuiga.

Ang mga gitinguhang mosalmot sa summit mao ang mga estudyante sa mga tunghaan sa Sugbo ug mga batan-on kinsa gi-endorso sa nagkadaiyang tourism office sa Sugbo.

Si Provincial Tourism Officer Joselito “Boboi” Costas mibutyag nga ang tutokan nga hisgutan unya sa maong summit mao ang sustainable tourism, kontribusyon sa Sustainable Development Goals ug ingon man impact sa travel ug tourism sa katilingban.

Atol unya sa ipahigayong summit ilusad usab ang Technology, Research and Innovation for People, Prosperity and Planet Sustainability (TRIPPS), usa ka search pagpangita sa labing maayong application gamit ang digital technology nga maghatag og sulbad sa mga tourism issues. (BANAT NEWS)

 

  • Follow Us: