Banat ( Leaderboard Top ), pagematch: 1, sectionmatch: 1

Mga commercial sex workers giawhag sa pagpa-hygiene

CEBU, Philippines - Mga nanag-iya og balay kahilayan sa dakbayan sa Toledo gipanawagan sa city health office sa siyudad nga awhagon ang ilang mga commercial sex workers sa pagbisita sa ilang buhatan aron sila mapailawom sa regular hygiene.

Si Tessie Borja, head nurse sa Toledo City Health nagkanayon nga gikinahanglan kaayo sa mga commercial sex worker ang pagpaubos sa regular hygiene alang usab sa ilang proteksiyon.

Matud ni Borja nga ang pagmentinar sa kalimpiyo sa panglawas sa mga commercial sex workers makalayo usab kini kanila sa sakit sama sa human immunodeficiency virus o acquired immunodeficiency syndrome kun HIV/AIDS.

Ang city health sa siyudad modawat matag adlaw nga Martes ug Huwebes sa hapon sa mga magpa-hygiene nga commercial sex workers.

Ang city health sa siyudad padayon usab ang ilang pagpanghatag og libreng condom.

Nasayran nga base sa talaan sa city health niabot na sa 23 ka kaso sa HIV ang nahipos sa ilang buhatan gikan sa nakalabay nga tuig hangtud ning kasamtangang tuig. (BANAT NEWS)

  • Follow Us: