10 CPDRC jail guards parelibuhan

CEBU, Philippines - Anaa na karon  sa lamesa ni Gobernador Hilario Davide III ang rekomendasyon sa Cebu Provincial Detention and Rehabilitation Center (CPDRC) Task Force nga parelibuhan ang dili mominus sa 10 ka jail guards.

Matud ni Bobby Legaspi, officer-in-charge sa CPDRC, nga gi-review karon sa gobernador ang rekomendasyon ilabi na pag-abot sa manpower sa pasilidad.

Samtang ang canteen sa CPDRC nga gidumala sa kooperatiba sa mga piniriso ang pasirad-an na sab human nakita nga dili maayo ang pagkadumala ug gigamit sa pagpalusot sa ilegal nga butang.

Laing ipatuman sulod sa prisohan mao ang pagdili sa pagpanigarilyo sa sulod sa mga selda ug magbutang lang og lugar sa hawanan sa provincial jail alang sa pagpanigarilyo aron pagrespeto sa mga piniriso nga dili manigarilyo. Le Phyllis F. Antojado ug Aiya M. Lapera (BANAT NEWS)