Daghang HIV natala sa mayo

CEBU, Philippines - Mas taas ang kaso sa HIV/AIDS sa buwan sa Mayo karong tuiga base sa talaan sa Department of Health.

Kini ang gitug-an ni Dr. Van Philip Baton, regional medical program coordinator for emerging and re-emerging infectious diseases sa DOH-7.

Matud ni Baton nga sa maong buwan nakatala sila og 98 ka kaso diin 94 ang asymptomatic ug upat ang HIV; sa Enero 62, Pebrero 79, Marso 76 ug Abril 72.

Edad og 25 ngadto sa 34 ang adunay taas nga kaso sa HIV/AIDS ug gisundan sa 15 ngadto sa 24, dayon ngadto na sa 35 hangtud 49-anyos diin nag-una nga hinungdan ang homosexual, IVDU ug uban pa.

Gitug-an ni Baton nga lalaki gihapon ang adunay daghan nga kaso sa HIV/AIDS ug wala hinooy natala nga nakalas sa HIV karon tuiga. (BANAT NEWS)