Dugang tulo ka barangay matangtang sa lista

CEBU, Philippines - Gawas sa tulo ka mga barangay nga unang gibutyag sa regional director sa Philippine Drug Enforcement Agency (PDEA-7) nga matangtangan og certification isip drug cleared, posibleng madugangan pa kini sigon sa pangulo sa Cebu Provincial Anti-drug Abuse Office (CPADAO).

Matud ni Ivy Durano-Meca ang pangulo sa CPADAO nga posibleng ang gibasehan sa PDEA  mao ang presensya sa high value targets sa ilang barangay.

Ang tulo ka barangay nagagikan sa 120 drug cleared barangay napamatud-an nga adunay pa gihapon mga drug surrenderrers nga nigamit pagbalik sa illegal nga drugas atol sa gihimong drug test sa unang 120 ka barangay nga nadeklarar nang drug free niadtong bulan sa Abril.

Ang maong mga barangay gihatagan kini og 30 ka adlaw aron mohimo og action apan wala sila nisanong.

Ang oversight committee sa probinsya magtigom karong Agosto 1 ug usa sa ilang hisgotan ang mga barangay nga peligrong matangtangan og sertipiko.

Matud ni Meca nga sa 1,066 ka barangay sa probinsya 35% niini ang wala  maglihok ang BADAC. (BANAT NEWS)