Tumulak: Mas peligro ang terorista sa NPA
CEBU, Philippines - Ang kagamhanan sa Siyudad sa Sugbo nag-ingon nga walay hulga sa terorismo sa dakbayan luyo niining mga balita kabahin sa mga New Peoples’ Army sa Negros Island.
Si Konsehal Dave Tumulak, deputy Mayor for police matters nagkanayon nga walay angay ikabalaka apan angay doblehon ang pagmatngon ug makig-alayon dayon sa mga kapulisan kung naay makit-ang mga armadong tawo.
"Especially on mountain barangays, if they saw armed men, they should coordinate with the police and the police will verify the reported armed men. But diri sa siyudad, wala may spotted member sa New People's Army (NPA)," matud pa ni Tumulak.
Si Tumulak niingon nga anaa ra sa Negros ug Panay Island ang naay nakit-ang miyembro sa NPA.
Miasoy pud si Tumulak nga mas "alarming" ang terorismo kun itandi sa NPA.
"For me, personally, dili gyud alarming ang NPA because the NPA has a reason, has a purpose why they do it like mga kahiubos nila," ni Tumulak.
Dugang pa ni Tumulak dugay nang nagsige’g bantay ug himo og checkpoint ang mga sakop sa Public Safety Company (PPSC) sa mga bukirang dapit sa siyudad apan nagkinahanglan gihapon sila og tabang sa komunidad kay maoy makahatag sa mga impormasyon.
Kahinumduman niadtong Biyernes, lima ka pulis ug usa ka sibilyan ang patay human gi-ambush sa mga NPA didto sa Guihulngan City, Negros Oriental. Janine Ramil (BANAT NEWS)
- Latest
