Bugas gipamugos sa 4Ps sa Naga
Matud sa maong kawani nga dili magpaila nga buot lang nila nga maseguro nga ang gihatag nga rice subsidy mapalit gyud og bugas sanglit dunay uban nga bisan unsa na lang ang paliton lakip na ang pagpanugal. Philstar.com/File
CEBU, Philippines - Giangkon sa usa sa sinaligan sa Pantawid Pamilyang Pilipino Program (4Ps) sa Dakbayan sa Naga nga ila gyud pugson ang mga benepisyaryo sa pagpalit sa ilang bugas inig dawat sa hinabang.
Matud sa maong kawani nga dili magpaila nga buot lang nila nga maseguro nga ang gihatag nga rice subsidy mapalit gyud og bugas sanglit dunay uban nga bisan unsa na lang ang paliton lakip na ang pagpanugal.
Ang benepisyaryo sa 4Ps makadawat og tag P600 matag buwan.
Dunay gitugutan nga sa lain mopalit og bugas apan kinahanglan nga mopakita sa resibo.
Apan ang maong taho gihimakak ni Maria Gabato, pangulo sa City Social Welfare and Development Office sa Naga nunot sab sa pahimangno sa rehiyonal nga buhatan sa Department of Social Welfare and Development-7 nga dili kini buhaton aron paglikay sa kaso. (BANAT NEWS)
- Latest
