Barangay, SK elections wala pa gihapoy klaro
CEBU, Philippines - Bisan wala mahisguti ni Presidente Rodrigo Duterte atol sa iyang State of the Nation Address (SONA) ang kabahin sa barangay ug Sangguniang Kabataan (SK) Elections, aduna gihapon posibilidad nga mahimo kining priority bill, sigon sa provincial election officer.
“I think political will ra nay makatubag ana because dunay remedy ang president to certify the bill as urgent,” matud ni Atty. Ferdinand Gujilde provincial election officer.
Matud niya walay nakahibalo sa intensyon sa presidente ug posibleng mokalit lang kini og pagpahibalo nga i-postpone ang eleksyon.
Si Gujilde nagkanayon nga kun but-on mahitabo ang pagdungog sa maong balaudnon sa una, ikaduha ug ikatulo ug pinal nga pagbasa sud lang sa usa ka adlaw.
“If the President says it’s urgent, it’s urgent even if it’s not,” matud ni Gujilde kinsa mibase sa Supreme Court ruling nga dili na moagi pa og judicial review ang usa ka balaudnon kon i-certify kini sa presidente nga urgent.
Hinuon, nagpabilin gihapon nga malaumon ang Comelec nga madayon ang election hilabina nga nagsugod na sila pagprinta sa listahan sa mga botante.
“Mas nindot unta kung gi-black and white to siya para maklaro pud sa among end whether or not mopadayon sa preparasyon,” matud ni Gujilde.
Sumala pa niya mausik lang ang mga naprinta nga lista sa botante karong tuiga kun dili madayon ang piniliay.
“We cannot recycle that either we use it on October or not,” matud ni Gujilde. (BANAT NEWS)
- Latest
