Kabukiran gibantayan tungod sa NPAs

CEBU, Philippines - Nagpakatap nang daan ang Cebu City Police Office og mga sakop sa Cebu City Public Safety Battalion ngadto sa bukirang bahin sa dakbayan usa ka semana sa wala pa nahitabo ang pagpang-ambush sa mga armadong grupo didto sa Guihulngan, Negros Oriental niadtong Biyernes.

“They are now deployed…gagawin muna nila is patrolling to clear any specially yung mga high grounds, ambush sites. Pinapa-clear natin yun,” matud pang CCPO director Joel Doria.

Unom ka mga polis ang nakalas human gi-ambush sa mga armadong grupo nga gituohang sakop sa News Peoples’ Army didto sa Guihulngan City niadtong Biyernes. Ang maong mga polis sa CCPO  molibot sa mga utlanan sa dakbayan ug sa Balamban ug Toledo.

Ang kapolisan nakadawat og report nga nasigpatan ang mga armadong lalaki gikan sa Negros Oriental nga nanakay og pumpboat padung sa wala pa mahibaw-ing direksyon. Sila ang gidudahang ni-ambush sa mga polis sa Guihulngan.

Samtang si Gob. Hilario Davide III nasubo sa nahitabo didto sa Guihulngan apan siya miingon nga dili kadto paigo nga rason aron magdeklarar ang pangulo og martial law sa Kabisay-an.

Si Duterte daan nang miklaro nga dili siya modeklarar og martial law sa tibuok nasud. Nisuporta hinuon siya sa extension sa martial law didto sa Mindanao nunot sa padayong gubat didto sa Marawi City. Ang luyo-luyong hepe sa Talisay City nga si Sr. Insp. Albert Quilotorio mipasidaan sa mga sakop nga siguraduhong mobuto gyud ang ilang mga armas kun sila unhan sa mga kriminal ug mga rebelde. (BANAT NEWS)