‘Peke’ nga polis nangilkil sikop
CEBU, Philippines - Gidakop sa kapolisan ang usa ka molupyo sa Barangay Labogon, Dakbayan sa Mandaue nga nagpakaaron-ingnon nga polis sa merkado publiko sa Lungsod sa Consolacion.
Giila sa kapolisan ang suspek nga si Reynaldo Villas, 50, taga Sitio Sab-a, Barangay Labogon, human wala nakapakita sa iyang identification card nga nagmatuod nga kini polis kinsa gireklamo og pagpangilkil sa pipila ka mga nangompra.
Samtang sa Purok Shooting Star, Babag, Dakbayan sa Lapu-Lapu nadakpan ang tulo ka gikatahapang pushers sa buy-bust operation alas 2 pasado sa niaging hapon.
Si Chief Inspector Mark Gifter Sucalit niila sa mga nadakpan nga sila si Edsel Toring Amistad, 39; Luois Bungadciso Dico, 61, ug laing 15-anyos nga lalaki.
Nasakmit gikan sa mga dinakpan ang 26 ka gagmay nga pakete sa shabu, P300 nga marked money ug P600 nga salapi nga gituohang halin. (BANAT NEWS)
- Latest
