Kabataan gidasig sa panguma

CEBU, Philippines - Kapin sa usa ka gatos ka batan-on ang nitambong sa Binhi ng Pagasa Training Caravan sa Sugbo diin nag-target kini og 9,000 ka kabataan sa 300 ka siyudad sa nasud.

Ang Binhi ng Pagasa usa kini ka programa sa Department of Agriculture diin ang mga batan-on gibansay alang sa vegetable production, livestock ug poultry breeding ug gilangkuban kini sa leadership ug values formation.

Si Senador Grace Poe nga nagpaluyo sa maong programa nipasabot sa importansiya nga molambigit gyud ang kabataan sa natad sa agrikultura.

Matud ni Poe nga ang maong training sa kabataan kabahin sa agri-business nga makapabuhi o maka-revitalize sa sektor sa agrikultura padulong sa mas lapad nga pag-asenso sa nasud.

Si Poe usa ka staunch advocate alang sa pagpalambo sa sektor sa agrikultura diin daghan na sab siyang mga balaudnon nga gisang-at sa Senado sama sa credit support alang sa mga mag-uuma, linking farming ngadto sa school feeding programs, pagduso sa mandatory crop insurance, libreng irigasyon, incorporative farming ug scholarship alang sa mga batan-ong mag-uuma. (BANAT NEWS)