Moral sa kapolisan nisaka

CEBU, Philippines - Gibutyag ni Police Chief Supt. Espino, bag-ong direktor sa Police Regional Office 7 nga gituman ni Presidente Rodrigo Duterte ang iyang panaad sa una niyang State of the Nation Address nga patas-an ang suholan sa kapulisan hinungdan nga mitaas ang ilang moral karon.

“100% na natupad yung promise ni presidente at kami ay nagpapasalamat kay president Duterte,” si Espino miingon.

Matud pa nga kini nakatabang sa pagtaas sa morale sa kapulisan ilabi na sa ilang pakigbatok sa ilegal nga drugas nga maoy numero unong tumong sa presidente.

Iyang gipasalig nga padayunon gihapon nila ang internal cleansing aron nga wala na g’yuy pulis nga malambigit og krimen o ilegal nga buhat.

“We will not allow that policemen will be involved in that kind of illegal activity especially sa drugs,” si Espino miingon. Sa miaging semana nag-courtesy call kang Cebu City Mayor Tomas Osmeña si Espino ug nakadayeg ang mayor kaniya.

Si Espino maoy mihulip sa kanhi PRO-7 Regional Director Chief Supt. Noli Taliño.  Nakadayeg ang mayor sa pamaagi ni Espino nga manubag ang hepe ug mga sakop niining naka-duty niadtong tungora kun adunay dautang mahitabo sa ilang lugar. “I like that attitude because that’s very unusual, he says when there’s a breakdown in an area don’t just relieve the precinct commander relieve the policemen who are responsible. So each policeman should be assigned in a very specific territory. I’ve never met a police officer that talk like that, in other words, know your areas so that if there’s a breakdown he will get the policeman, he will punish the policeman not the precinct,” sigon ni Osmeña.

Ang mayor miingon hatagan niya og higayon si Espino mangulo ug andam mohatag og suporta ang siyudad sa ilang mga panginahanglanon sa ilang trabaho. (BANAT NEWS)