Drug group leader napatay
Nisukol ... Napatay sa mga sakop sa RDEU-8 ug RDEU-7 kining gitumbok nga lider sa usa ka drug group nga si Robert Dagting human nakigpinusilay kanila diha sa Talisay City kagahapon. — Hulagway hinatag ni Sr. Supt. Jonathan Cabal
CEBU, Philippines - Gikatahong lider sa usa ka dakong grupo nga namaligya og drugas sa Southern Leyte napusilan patay human gikatahong nakigpinusilay sa mga pulis nga modakop kaniya diha sa Fairview Village, Dakbayan sa Talisay kagahapon sa hapon.
Ang maong suspetsado giila nga si Robert Dagting kinsa adunay warrant of arrest tungod sa kaso sa ilegal nga drugas didto sa maong rehiyon.
Ang maong operasyon gihimo sa mga sakop sa Regional Drug Enforcement Unit (RDEU) sa Region-7 ug RDEU-8. Matud pa sa hepe sa Police Regional Office-7 Regional Intelligence Divison (RID) nga si Police Sr. Supt. Jonathan Cabal nibisita ang maong suspetsado sa iyang iyaan sa iyang lugar dihang nasigpatan kini sa kapulisan.
“Nasa labas ng bahay nangyari ang shootout. Medyo malayo (sa bahay ng tyahin niya. Mga three houses away,” sigun pa sa maong hepe.
Matud pa nga lider sa Dagting Drug Group ang suspetsado ug kini High Value Target Level 3 sa tibuok Leyte ug Level 3 usab sa kinatibuk-ang rehiyon. “They are operating in Leyte. Whole of Leyte,” si Cabal miingon.
Asoy pa sa maong hepe nga misukol ang maong suspetsado gamit ang iyang kalibre .45 apan wala kini magmalampuson.
Matud pa sa maong hepe nga palawman pa nila ang imbestigasyon kung kinsay koneksyon ni Dagting diha sa Talisay. (BANAT NEWS)
- Latest
