Smoking ban makaapektar sa ekonomiya
CEBU, Philippines - Makaapektar sa ekonomiya kining nationwide smoking ban sumala pa ni Cebu City Mayor Tomas Osmeña. Ang maong Executive Order No. 26 sugdan sa pagpatuman karong adlawa.
"It will give a strong undesirable effect to our economy. Just like example, one of the hotel's PAGCOR lost 30 percent of their income after acting mayor Margot Osmeña implemented the smoking ban," matud pa sa mayor.
Matud pa niya nga dili maayo ang pagpatuman sa maong executive order kay kini magtudlo og pangurakot sa mga tag-iya og mga bars kay pasakaan nila’g dako nga presyo ang mga baligya nilang sigarilyo.
Apan bisan wala siya makauyon, andam gihapon ang mayor sa pagtuman sa nationwide smoking ban.
"I will follow but I will temperate it with mercy," asoy sa mayor.
Atol sa pakighinabi sa Banat News kang Nida Cabrera pangulo sa Cebu City Government and Natural Resources Office nga ipatuman gyud nila ang maong kamandoan.
Gani, niadto pang tuig 2015 gipatuman sa syudad ang maong kamandoan sama sa estriktong pagpabutang og "designated smoking areas" ang mga establisamento.
Matud pa niya nga ginadili na ang pagpaninda og mga sigarilyo sa mga public places ilabi na gyud gawas sa mga eskuylahan ug sa mga internet cafes. "Kung adunay namaligya’g sigarilyo niining mga lugara, dakpon jud," asoy pa ni Cabrera. Si Cabrera mipasidaan nga P1,000 hangtud P5 mil ang penalty sa masakpang nanigarilyo sa pangpublikong dapit. Kadtong dili makabayad sud sa pito ka adlaw pasakaan nila og kaso.
Matod pa ni Cabrera nga sukad niadtong unang adlaw sa Hulyo hangtod karong adlawa, aduna na silay 111 ka mga dinakpan tungod sa pagpanigarilyo sa publikong lugar. Janine A. Ramil (BANAT NEWS)
- Latest
