2 direktor gireklamo
Quezon City Police District director Chief Superintendent Guillermo Eleazar looks at the body of Johnny de Leon who was slain in Barangay Pagasa yesterday. MICHAEL VARCAS
CEBU, Philippines - Ang director sa Land Transportation Franchising and Regulatory Board (LTFRB)-7 Ahmed Cuizon ug kanhi regional director sa Department of Tourism (DOT)-7 Rowena Montecillo ang nag-atubang og kaso ngadto sa Ombudsman-Visayas.
Kini tungod sa giingong paghatag og pabor sa maong mga opisyal kang Herbert Tan o sa Pearl of the Pacific Rent A Car.
Base sa position paper ni Jerome Cuizon kinsa maoy nagdumala sa Catalina Car Rentals nagkanayon nga dunay pending moratorium sa pag-isyu og prangkisa alang sa tourist transport services.
Giingong si Cuizon miisyu og prangkisa ug si Montecillo miisyu og endorsement letter alang sa operation sa tourist vehicles sa Pearl of the Pacific Rent A Car.
Si Jerome mibutyag nga niadtong Nobiyembre, tuig 2012 isip compliance sa procedure sa pag-apply og prangkisa mi-file siya og application alang sa endorsement sa tourist transport service franchise ngadto sa DOT diin gilakipan niya og supporting documents nga nag-cover sa iyang 20 ka tourist vehicle units.
Giingong ang application ni Jerome wala dayon maaprobahi tungod sa pending nga moratorium.
Niadtong tuig 2013, si Jerome subling miduso og application alang sa endorsement ug si Montecillo miisyu og endorsement letter ngadto sa Department of Transportation and Communication (DOTC).
Apan ang maong endorsement letter na-disapproved sa DOTC tungod kay ang DOT napakyas sa pag-comply sa requirement subay sa DOT Memorandum Circular No. 2013-01 nga nag-require nga kadto lang mga brand new nga sakyanan nga gi-manufacture sa current year ang ma-endorse ang application. Hinungdan nga si Jerome wala maka-operate sa 20 niya ka sakyanan.
Apan giingong niadtong Pebrero, 2016 nahibaw-an na lang ni Jerome nga upat ka sakyanan nga gipanag-iya ni Herbert Tan o sa Pearl of the Pacific Rent A Car ang nakabaton og tourist plates ug DOT Tourist vehicle stickers ang nakadagan.
Si Jerome nangangkon nga sa iyang pakisusi ngadto sa LTFRB iyang nasuta nga ang maong upat ka sakyanan aduna nay “vehicle for hire franchise”.
Dugang ni Jerome nga ang maong paghatag og prangkisa kalapasan sa balaod sa travel and tours services.
Si Cuizon ug Montecillo gipasakaan ni Jerome ngadto sa Ombudsman-Visayas og kasong kalapasan sa Akta Republika 6713 kun “Code of Conduct and Ethical Standards for Public Officials and Employees and Misconduct”. (BANAT NEWS)
- Latest
