Tom gustong daghan moapil sa bidding
CEBU, Philippines - Moumol ang kagamhanan sa Siyudad sa Sugbo og special team nga makig-alayon sa Cebu Chamber of Commerce and Industry aron mas daghan ang moapil sa mga public biddings.
Matud ni Cebu City Mayor Tomas Osmeña nga kun daghan ang moapil sa bidding makatabang kini aron maminusan ang kurapsiyon.
Niumol sa maong ideya ang mayor human nabantayi niini nga kung dunay mga public bidding nga buhaton naa lang sa duha o kaha tulo ang moapil nga bidders.
Gitudlo ni Osmeña si Rene Cenapo nga usa ka private individual isip iyang representante sa special team.
Gibutyag ni Osmeña ang maong plano human nangutana ang mga tigbalita sa status sa P26.8 milyones alang sa hauling operation karong buwana.
Nanghinaut si Osmeña nga ang Philippine Amusement and Gaming Corporation makahatag og katin-awan kun ang P26.8 milyones ipaagi ba og ordinansa o resolusyon. (BANAT NEWS)
- Latest