DOE nangimbitar og power investors

CEBU, Philippines - Gipahibawo sa Department of Energy didto sa Seoul, Korea ngadto sa mga Asian energy sector players nga ang Pilipinas nagkinahanglan og dugang 43,765 megawatts electric capacity inig abot sa tuig 2040.

Gibana-bana nga ang usa lang ka planta sa kuryente matukod kini sulod sa lima ka tuig.

Si DOE Undersecretary Felix William Fuentebella nagkanayon ngadto sa Korea-Asia Energy Cooperation nga ang required nga dugang nga capacity nagrepresentar kini sa katulo ka pilo sa panginahanglan sa enerhiya sa Pilipinas.

"To address this need, the Philippines would need 70% base load power plants, 20% medium range power plants and 10% peak load power plants," matud pa ni Fuentebella pinaagi sa press statement nga giluwatan sa DOE.

Dugang ni Fuentebella nga ang demand alang sa mga bag-ong planta sa kuryente gi-identify sa DOE nga anaa nahimutang sa Luzon, Visayas ug Mindanao.

Human sa maong seminar, matud pa ni Fuentebella nga ubay-ubay nga mga Korean companies ang nipadayag sa ilang interes aron sa pag-explore sa energy investment nga oportunidad sa Pilipinas. - /GMR) (BANAT NEWS)