Team Rama pakasohan

CEBU, Philippines - Hangtud karon init lang gihapon ang panagbangi nila ni Cebu City Mayor Tomas Osmeña ug ni kanhi Mayor Michael Rama human gisaway sa kanhi mayor ang State of the City Address ni Osmeña nga matud pa pulos lang pandaot sa Team Rama.

Apan si Osmeña miingon dili angay personalon ni Rama ang mga isyu nga iyahang gihisgutan tungod kay igo lang siya nisulti sa tinud-anay nga sitwasyon  sa siyudad.

Niadtong adlaw’ng Martes, atol sa SOCA sa mayor gisaway niini ang kanhi administrasyon ni Rama mahitungod matod pa sa missing pledges alang sa katukuran sa Cebu City Medical Center ug sa giingong kadudahan nga pagpalit niini og garbage trucks.

Sigon sa mayor walay record sa pledges nga gikan sa laing nasud alang sa CCMC nga matud pa ni Rama ug Konsehal Jocelyn Pesquera nangangkon nga naka-generate sila og P900 Milyones.

Si Osmeña nagtinguha mopasaka og kaso batok sa mga kanhi ug naglingkod nga opisyales sa siyudad tungod niini.

Mahitungod sa isyu sa basura, si Konsehal Eduardo Rama miingon sa pagpalit sa garbage trucks panahon ni Rama miagi kini og hustong proseso. (BANAT NEWS)