Mga komitiba pakuptan sa BOPK

CEBU, Philippines - Nagtagbo ang mga konsehal nga sakop sa Bando Osmeña Pundok Kauswagan (BOPK) uban ni Cebu City Mayor Tomas Osmeña kagahapon diin usa sa ilang natuki mahitungod sa reorganization sa konseho sa siyudad.

Una niini, atol sa ilang annual organizational session niadtong adlaw’ng Martes pakyas ang  kaalyado sa BOPK sa paglingkod sa nagkalain-laing mga bakanteng komitiba.

Ang Barug Team Rama councilors miingon nga pakyas ang BOPK officials pagkuha sa simple majority  kay nagtabla ang administrasyon ug oposisyon.

Base na sa ruling sa SC, si Vice Mayor Edgardo Labella isip presiding officer lakip sa makabotar pagsuta kun kinsay simple majority.

Ang mga konsehal sa Barug Team Rama una nang mikanaog sa ilang mga committee chairmanships.

 “Among other things that they are discussing is we tried to understand the situation.

It’s not that they understand the situation they know what they’re going to do, they are trying to understand the situation that’s why I’m here they are discussing it and there will be other discussion later on,” sigon sa mayor.

Si Konsehal Sisinio Andales kaalyado sa BOPK miingon nga buot masayod ang mga Sugbuanon kun kinsa gyud ang obstructionist sa kagamhanan sa siyudad gumikan sa maong hitabo.

“What the Team Rama did was disservice to the Cebuanos if ever the committees cannot function.

They are trying to destroy the administration of Mayor Tomas Osmeña. They are babag team, anti-progress, anti-poor and destabilizers,” sigon ni Andales. (BANAT NEWS)