Mga sundawo sa Marawi padad-an og brief
Kini ang mga sinako ug pinutos na nga brief nga gidonar sa mga negosyanteng Intsik alang sa mga sundawo nga tua sa Marawi City. Camille L. Pateres
CEBU, Philippines – Mokabat sa 6,234 ka brief ang gidonar sa usa ka Chinese charity alang sa mga sundawo nga gipadala sa giyera sa Marawi City pinaagi sa Central Command kagahapon.
Ang chairman sa SDS International Charity nga si Michael Cordinete Que pinaagi sa iyang translator nga si Joni Chan niingon nga silang negosyanteng Intsik sa Pilipinas andam sila motabang sa mga sundawo nga gidestino sa Marawi.
Matag usa ka sundawo ang makadawat og tulo ka brief.
Matud ni Lt. Gen. Oscar Lactao, commanding general sa CentCom, nga andam sila modawat og mga donasyon alang sa mga sundawo nga tua sa Marawi.
Sa laing bahin, ang maong heneral nipahimangno sa publiko nga magpabiling magmabinantayon sa palibot human sa nahitabong pag-atake sa mga terorista sa Marawi.
“Ang security is shared responsibility, hindi lang to ng PNP, ng AFP ng local officials but the whole community,” matud ni Lactao.
Dugang niya nga bisan sa mga pagsuway, nagpabilin gihapon nga taas ang morale sa armadong kusog sa nasud tungod kay pinangga sila ni Presidente Rodrigo Duterte. -/GMR (BANAT NEWS)
- Latest
