Bakuna sa dengue gisugdan na sa Mandaue, Lapu-Lapu
CEBU, Philippines – Dili mominus sa 14,000 na ka bata sa Dakbayan sa Mandaue ug Lapu-Lapu ang nakadawat na og libreng dengue vaccine sa mga health centers nga gisugdan sayo niining buwana.
Kini ang gitug-an ni Dr. Shelbay Blanco, pangulo sa Regional Epidemiology and Surveillance Unit sa Department of Health-7.
Unang nahatagan og dengue vaccines ang duha ka siyudad tungod kay una sab kining nihatag og go signal ang ilang mga mayor.
Gipaabot nga sa dili pa ang Hulyo 31 mahuman na pagpamakuna sa 70,000 ka kabataan gikan sa duha ka siyudad nga nag-edad og 9 ngadto sa 14-anyos.
Matud ni Blanco nga wala pa sila kasugod sa Dakbayan sa Sugbo kay padayon pa kining nagpahigayon sa ilang masterlisting.
Makig-alayon pa sab ang DOH-7 sa Integrated Provincial Health Office sa Sugbo aron tukion ang maong pagpanghatag og dengue vaccine. -/GMR (BANAT NEWS)
- Latest
