Daghang niwang nga bata sa Sugbo

CEBU, Philippines - Lima sa nag-unang napulo ka nutritionally depressed municipalities sa Central Visayas ang anaa sa Sugbo base sa talaan sa National Nutrition Council.

Sa tuig 2016, ang Lungsod sa Moalboal ang nag-una sa aduna'y labing daghang malnourished nga bata nga nagpangedaron og 0 hangtud 59 ka buwan.

Gisundan kini sa Lungsod sa Pilar; Anda sa Bohol; Alcantara; Sagbayan sa Bohol; Tuburan, Carmen; Loay, Bohol; Vallehermoso sa Negros Oriental ug Buenavista sa Bohol.

Sumala pa ni Dr. Parolita Mission, regional nutrition program coordinator sa NNC-7, nga ang natala nga mga lungsod mao kini ang taas og prevalence rate sa malnourished kaysa regional cut-off. Aron paghatag og sulbad sa maong problema, gisusi sa NNC-7 ang mga local nutrition committee ug sutaon kung unsay gihimo niini sa taas nga kaso sa ilang malnutrition.

Gihimo sab sa NNC-7 ang pagtabang kanila pinaagi sa paghatag og nutrition management program training ingon man resources aron masulbad ang maong problema. - /GMR) (BANAT NEWS)