Mga tinun-an nitabang sa repacking para Marawi
CEBU, Philippines - Moabot sa dul-an 100,000 ka relief packs ang nahatag sa Department of Social Welfare and Development sa Central Visayas alang sa mga biktima sa gubat sa Marawi City.
Adlaw nga Lunes 90 ka tinun-an gikan sa nagkadaiyang kolehiyo ang nitagana sa ilang holiday alang sa pagtabang sa repacking sa Visayas Disaster Response Center sa Casuntingan, Mandaue City.
Bisan og holiday, ang mga tinun-an sa Mandaue City College ug University of Southern Philippines ang nitagana sa oras sa pagtabang sa repacking sa mga relief goods alang sa Marawi City.
Matud ni Christel Amit, social worker student sa MCC, nga ang ilang gihimo mao ang pagpakita sa ilang simpatiya ug pagpakabana sa mga biktima ug sa maong paagi madasig ang mga biktima nga dili mawad-an sa paglaum nga makab-ot ra gihapon ang kalinaw sa ilang lugar.
(BANAT NEWS)
- Latest
