Australiano, laing usa naghikog

CEBU, Philippines - Duha ang namatay nga gituohang naghikog sa managlahing dapit sa Dakbayan sa Lapu-Lapu nga naglakip sa usa ka Australiano kinsa nagpusil sa ulo gamit ang kalibre .45 nga pistola.

Si Senior Police Officer 1 Luisito Ernie sa homicide section sa Lapu-Lapu City Police Office (LLCPO) niila sa namatay nga si Scott Anthony Bourne, 44, nagpuyo sa Door 5 Marion Apartment, Motorpool, Barangay Gun-ob sa dakbayan.

Ang namatay giila nga mao si Scott Anthony Bourne, 44 anyos ug nagpuyo sila sila sa maong dapit sa Barangay Gun-ob sa maong dakbayan.

Ang kapuyo sa Australiano nga si Jocelyn Cañete Jorge niasoy didto siya sulod sa pansayan dihang nakadungog og buto sa armas ug sa iyang pagsusi, nagbuy-od na ang langyaw nga naligo sa kaugalingong dugo.

Laing naghikog giila ni Ernie nga si Greggie Sagarino, 30, ug nagpuyo sa Sitio Angasil, Barangay Mactan.

Ang namatay nadiskubrehan na lang sa iyang asawa nga si Jea Sagarino nga naghigot og habol sa kisame sa ilang kasilyas.

Dali unta kini nga gidala sa Mactan Doctors Hospital apan gideklarar sa mga doktor nga dead-on-arrival.

Pangabubho ang gituohang hinungdan sa paghikog ug hubog kini atol sa hitabo. (BANAT NEWS)