Kanhi barangay konsehal gipusil patay
CEBU, Philippines - Gipusil patay ang kanhi konsehal sa Barangay Ibo, Toledo City alas 6 pasado niadtong Domingo.
Ang nakalas naila nga si John Clide Normandia kinsa mas naila nga Jan-Jan, 42-anyos.
Matud sa igsuon sa biktima nga si Johnrey nga gikan nagkaon ang iyang maguwang sa ilang balay ug niadto sa panimalay nga gipanag-iya niini daplin sa karsada nga wala pay nagpuyo aron magpasiga sa suga dihang gipusil sa giingong nagsakyanan og puti.
Ang biktima nakaangkon og samad pinusilan sa dughan nga maoy naingnan sa hinanali nga kamatayon.
Gihulagway sa mga silingan ang biktima nga buotan sukad nahimong opisyal sa Sangguniang Kabataan ug barangay konsehal apan napilde kini dihang nidagan sa pagka-kapitan.
Tinguha unta ni Normandia nga modagan sa pagka-kapitan sa barangay karong Oktubre kung mahinayon ang barangay election. (BANAT NEWS)
- Latest