Motor nisukarap, tulo patay

CEBU, Philippines - Tulo ang patay dihang nisukarap ang motor nga gimaneho og hubog sa may national highway, Talavera, Dakbayan sa Toledo.

Ang nakalas naila nga sila si Jerome Dacuron, 32, driver sa motor; Che-che Dacuron, 24, ug Sacel Padayao, 24, pulos taga Balamban.

Matud ni Police Officer 3 Celso Makidato, traffic investigator sa Dakbayan sa Toledo, nga base sa ilang initial investigation ubos sa ilimnon nga makahubog si Jerome samtang kini nagmaneho.

Gikan  sa Barangay Ibo, Toledo ang mga biktima ug padulong na sa Lungsod sa Balamban dihang pag-abot sa maong lugar kalit nga na-crashed ang motor.

Dali pa unta nga gidala ang mga biktima sa Toledo City Hospital apan tungod sa kadaut nga naangkon niini sa ilang kalawasan pulos kini nakabsan sa ilang kinabuhi.

(BANAT NEWS)