Firecrackers hingpit na nga gidili
Nakumbinser gyud sa DOH ang presidente nga moisyu og EO aron hingpit na nga idili ang pagpabuto og mga rebentador, gawas lang sa mga “community fireworks display” nga mogamit og mga pyrotechnics products. Philstar.com/File
CEBU, Philippines - Gimando na gyud ni Presidente Rodrigo Duterte nga idili na ang pagpabuto og mga rebentador tibuok nasud.
Human pirmahi ni Duterte ang Executive Order No. 28 niadtong Hunyo 20, iyang gitahasan ang kapolisan, uban sa Department of Health, Department of Environment and Natural Resources (DENR) ingon man ang kabomberohan sa paghimo og Implementing Rules and Regulations kabahin niini.
Nakumbinser gyud sa DOH ang presidente nga moisyu og EO aron hingpit na nga idili ang pagpabuto og mga rebentador, gawas lang sa mga “community fireworks display” nga mogamit og mga pyrotechnics products.
Ang mga tighimo og pabuto sa Barangay Babag II, Dakbayan sa Lapu-Lapu naguol kaayo sa kamanduan ni Duterte.
Ilang giawhag si Mayor Paz Radaza ug si Presidential Assistant for the Visayas Michael Lloyd Dino nga tabangan sila aron libkason ni Duterte ang iyang kamanduan.
Matud ni Flora Pongase, tag-iya sa JP Fireworks sa Babag II, nga daghan sa mga molupyo sa ilang barangay ang nagsalig sa pagpamuhat og pabuto nga ilang ibaligya panahon sa Pasko ug Bag-ong Tuig.
Si Cebu City Mayor Tomas Osmeña sa iyang bahin niingon nga iyang ipatuman ang kamanduan ni Duterte apan hinoon niingon nga dili gyud kini maoy iyang prayoridad. (BANAT NEWS)
- Latest
