9 pushers sikop sa Mandaue, Lapu-Lapu

CEBU, Philippines - Nasikop ang siyam ka drug pushers sa managlahi nga buy-bust operation sa Dakbayan sa Mandaue ug Lapu sa niaging adlaw.

Sa Dakbayan sa Lapu-Lapu, nadakpan si Jamel Tampus, 29, sa Barangay Basak, ug nakuhaan og 10 ka gagmay nga pakete sa shabu samtang sa Barangay Pajo nadakpan sila si Niño Gely Baluran, 23, ug Estephane Cotelo Batiancila, 27, kinsa nasakmitan og unom ka pakete sa shabu.

Sa Dakbayan sa Mandaue, nasikop sa Barangay Subangdaku si Ramon Aguilar, 51, ug Elizaldo Viajedor, 39, kinsa nakuhaan og duha ka gagmay nga pakete sa shabu ug laing duha sab ka pakete ang nasakmit gikan kang Reynaldo Enriquez.

Sa Barangay Looc nadakpan si Rey Joseph Gingoyon, taga Purok Star Apple, Umapad, nga giila nga usa sa 10 most wanted persons.

Nadakpan sab ang iyang kauban nga si Visitacio Cajes, 40, ug Juluies, nga taga Pitogo, Consolacion, kinsa pulos nakuhaan og tagduha ka pakete sa shabu samtang duha sab ka dagkong putos ang nasakmit gikan kang Gingoyon. (BANAT NEWS)