Banat ( Leaderboard Top ), pagematch: 1, sectionmatch: 1

Napusilan atol sa buy-bust

CEBU, Philippines - Gipasanginlang durugista napusilan sa hepe sa kapulisan sa San Francisco human kini misuway og pusil sa poseur buyer atol sa buy-bust operation sa Sitio Pamatasan, Barangay Northern Poblacion niadtong Sabado sa gabii.

Napusilan sa kilirang bahin sa iyang tiyan si Jhontin Binagiuhan Catalan, 28, ug dali nga gidala sa tambalanan.

Matud pa sa imbestigador sa maong kaso nga si PO3 Ronald Juban nga nabantayan sa hepe nga si PSI Janus Giangan nga nakabantay ang suspek nga polis iyang katransaksyon.

Nakita usab sa hepe nga miibot ang suspetsado sa iyang kalibre .38 revolver ug miaksyon og tion sa pulis nga poseur buyer maong giunhan kini sa hepe.

Miasoy ang maong imbestigador nga duha pa lang ka buwan nagsugod og pamaligya ang maong pusher. Nakuha gikan niya ang duha ka gagmay’ng pakete sa gidudahang shabu .

Samtang usa ka 16 anyos nga batang babaye ang nadakpan ug nasakmitan og 26 ka paketeng shabu diha sa Barangay Ermita sa Dakbayan sa Sugbo. Samtang sa Sambag 2, nadakpan usab ang 18 anyos nga high value target sa kapolisan nga si Jason Baguhin .

Siya ug si Dante Abanado nga nadakpan sab anang tungora giingong sakop sa Abella Drug Group. Kauban sa nasikop si Dante Abanado, 49 anyos nga molopyo sa dapit.

Ang duha ka suspetsado nasikop human masakpan sa akto nga namaligya og ginadiling druga atol sa buy-bust operation sa kapulisan. Camille Pateres ug Jemmuel V. Man-on (BANAT NEWS)

  • Follow Us: